Razas autoctonas porcinas galegas

Porco Celta

Ficha técnica Nome: raza Porco Celta. Outras denominacións incorrectas: porco do país, porco galego, beiro, porco do lombo de anguía. Área de orixe: toda Galiza. Aptitudes: alta calidade da carne para produtos elaborados e curados. Feiras onde se pode ver: Silleda (Feira Internacional Semana Verde de Galicia). Asociación: Asociación de Criadores de Ganado Porcino Celta-ASOPORCEL Historia e orixe da raza O xénero orixinario de todos os porcinos é o Sus, cos tres troncos prehistóricos seguintes: -Sus scrofa (xabaril europeo) -Sus mediterráneo (xabaril mediterráneo) -Sus vittatus (porco asiático) O tronco Celta procedería do cruzamento Sus scrofa ferus co subxénero Striatosus, que se estendeu por distintos países de Europa, como Francia, Bélxica, Dinamarca, Rusia, Suecia, Noruega, Alemaña, Austria, Hungría, Suíza e Portugal, dando lugar a distintas agrupacións célticas, algunhas delas hoxe extinguidas. En España describíronse varios derivados célticos, ademais do Porco Celta, como o Navarro Baztanés, Catalán, de Vich, Molinés, de Guadalaxara, Alistano, de Zamora, Lermeño, de Burgos e o tipo máis unificado, chamado Chato Victoriano.